 |
خلاصة رحلة قطار الشباب إلى الأقصر وأسوان 2026-2027 من الألف إلى الياءخلاصة رحلة قطار الشباب إلى الأقصر وأسوان 2026-2027 من الألف إلى الياء |
يناءا على نظام العام الماضى
بوست مثبت وطويل شوية .
فية كل التفاصيل اللى محتاج تعرفها عن رحلة الاقصر واسوان. 
بيتم الاعلان عن الفوج على النت فانت تحجز في اللينك وتدفع عن طرق الفيزا اونلاين او فورى.
تكاليف الرحلة 3000
الرحلات تبدا من 4ديسمبر
واخر فوج 29 يناير 2027
لينك الحجز
-التجمع فى محطة مصر الساعة 3 عصرا.
- السن من 18 الى 45. ولايقبل الاطفال او الاسر.
-القطر بيتحرك من محطه رمسيس الساعه 5 مساءا
بيوصل الاقصر 3:30 فجرا
ويوصل اسوان 7 صباحا
بالنسبة للمجموعة الاولى بنات حتنزل الاقصر الاول
هتتحرك بالباص الفجر من محطة الاقصر وتروح المدينه الشبابيه بالاقصر
الاقامه هناك خمسه في الاوضه وحمام في الاوضه وكويسه
1- اليوم الاول السبت :
هتفطر وبعدين تنام لحد الغدا وبعدين تروح الساعه 6 مساءا لمعبد الكرنك عرض الصوت والضوء ( حلو جدا وياريت بلاش تصور كتير فيديو ممكن تركز وتستمتع وتخلي اى حد من اللى صورو فيديو يبعتهولك والسلام )وبعدين جوله حره في السوق
2- اليوم التاني الاحد:
زيارة البر الغربي ( معبد هابو - معبد حتشبسوت - وادى الملوك)
خليك مع المرشد اسمع الشرح وبعد كدة روح اتصور براحتك
وجوله حره المعابد دي حلوه جدا وممتعه وهتطلع بشويه صور زي الفل
3- تالت يوم الاثنين :
البر الشرقي (معابد الكرنك - معبد الاقصر - جزيره الموز)
جزيره الموز دي بتروح تاكل تلات موزات وتتصور مع شجر الموز
يفضل لبس الكلاسيكى شويه فى الاقصر والوان كافيه وبنى وابيض والحاجات دى بتعمل شغل فى التصوير
الاقصر مرهقه جدا لانها مشي كتير وشمس فحاول تنام كويس
مفيش حاجه مهمه اوي تشتريها من الاقصر غير شويه حاجات اثريه او لبس فرعوني من السوق
وتركب حنطور في الاقصر وتغني الاقصر بلدنا بلد سواح وتصور فيديو لنفسك (هتندم لما ترجع لو معملتش كده والله لان هتلاقى كله رافع ستورى وانت على الله حكايتك )
4- الثلاثاء اليوم التيادلى وزيارة معبد دندرة على حسب نظام العام الماضى
-----------------------------------------
الشباب بيسكنوا فى المدينة الشبابية فى اسوان
1- اول يوم تفطر وبعدين تنام لحد الغدا وبعدين تروح متحف النوبه (عباره عن متحف فيه مقتنيات عن اهل النوبه متحف جميل يفضل لبس الوان هاديه وساده لانه متحف مش فرح هو ) وكمان حتروح جزيرة النباتات والنوبة
وبعدين جوله حره براحتك وترجع تتعشي الساعه 10 وبعد العشا انت حر تنام او تخرج
2- تاني يوم مفترض تروح السد العالي وبعدين مبني كده اسمه رمز الصداقه وبعدين معبد فيله (اليوم متعب جدا الحقيقه فحاول توفر جهدك كله لمعبد فيله لانه حلو جدا وامتع مافي اليوم)
ترجع تتغدي وبعدين جوله حره براحتك
معلومات بقي عن التلات ايام بتوع اسوان الجوله الحره بتبقي اغلبها في السوق فانت تشترى بهارات وفول سوداني وكركديه وحنه ولبس نوبي لو حابب تذكار من اسوان
والهدايا رخيصه في اسوان بس ياريت تسأل هنا وهنا وتفاصل بلاش تدلق علطول للبياع وياريت تسال عند اكتر من عطار وارخص سعر اشترى
اسوان اللبس المفضل فيها هو اللبس الفواتح الاحمر والازرق والابيض والاصفر الحاجات دي لايقه علي جو النوبه وبتعمل صور حلوه
وتركب حنطور على كورنيش اسوان
---------------------------------------------------
حجات مهمه لازم تعرفها قبل ماتروح الاقصر وأسوانلرحلات الشباب والرياضة 2026- 2027
1- خد معاك غطاء فالقطر عشان الجو بيبقا برد2- خد معاك اكل تاكله ف القطر بس متخلصوش وانت لسه عالمحطه متبقاش دني3-متنامش فالقطر خليك صاحي واتبسط وروح اقعد عالبوفيه اللي فالقطر حلو اوي4- اتفق مع حد من صحابك انكم تصورو بعض وsave صور عشان تتصور زايها لما توصل5- متعملش حسابك انك لما توصل هتاكل احلا اكل انت مش في بيتكم الاكل هناك حلو.6- خد معاك ملابس صيفي بس اعمل حسابك ف جاكت او اتنين لان الجو بالنهار حر اوي وبالليل برد شويه7- استمع الشرح من المرشد لان الرحلة ثقافية.8- مضيعش الوقت ف التصوير هيا كفايه كام صوره حلو كدا وخلاص9- اتعرف ع صحاب هناك كتير كتير10- واقت الغدا متاكلش وتطلع تنام لا انزل واتمشي ف البلد هتقابل صعايده جدعان11 - متنامش من الساعه10 لا خليك سهران مع صاحبك واستمتع بكل لحظه فالرحله لأنها اجمل رحله هتطلعها ف حياتك12- الصبح بدري اصحي ع طول لانهم مش بيستنو حد وممكن يمشو ويسبوك عادي 
13- وانت ف اسوان ولما تروح النوبه لف النوبه كلها متفضلش قاعد ف البيت اللي هينزلكو في تشربو شاي14- النوبه اجمل مكان ف مصر حرفيا قضي اطول وقت ممكن هناك15- لما تشتري حاجه متفصلش كتير وتعمل ناصح لاننا بنتخزوق من البايعين ال هنا فمتعملش ناصح عالغلابه ال هناك16- اكل الاقصر وأسوان حلو.حتي وكنت باكل عشان اقدر اللف كتير
17-متقلقش من التنظيم انت هتلاقي هناك اجمل تنظيم واجمل خدمه ترتقي إلي ممتازه واحيانا ممتازه جدا كمان18- قبل متسيب غرفتك وسريرك وطربيزه الاكل نفضه زاي ما استلمته19- وانت راجع فالقطر متعيطش واجمد كدا 
20- ولازم تعرف انك لما ترجع هتبقى عايز تسافر تاني 
دمتم مسافرين
خلي بالك من النصب! مفيش جروبات على فيسبوك مخصصة للحجز تابعة للوزارة، والاعتماد بيكون على الصفحة الرسمية للوزارة وموقعها الإلكتروني.   لينك وتفاصيل الحجز والاشتراك هنا |
مواعيد قطار الشباب للأقصر وأسوان 2026-2027 كاملة.. جدول الأفواج وطريقة الحجز والتسجيل
قطار الشباب إلى الأقصر وأسوان 2026-2027 من أبرز الرحلات السياحية المدعمة التي تنظمها وزارة الشباب والرياضة، لإتاحة الفرصة أمام الشباب لزيارة أهم المعالم الأثرية والسياحية في جنوب مصر بتكلفة مناسبة.
وتشمل الرحلة زيارة مدينتي الأقصر وأسوان، والاستمتاع بالمعابد والمتاحف والجزر النيلية، إلى جانب مجموعة من الجولات والأنشطة السياحية خلال أسبوع كامل.
أولاً: مواعيد أفواج قطار الشباب 2026-2027
تتضمن خطة الرحلات تسعة أفواج، وتستغرق كل رحلة أسبوعاً، وفق المواعيد التالية:
| الفوج | موعد الذهاب | موعد العودة |
|---|---|---|
| الأول | 4 ديسمبر 2026 | 11 ديسمبر 2026 |
| الثاني | 11 ديسمبر 2026 | 18 ديسمبر 2026 |
| الثالث | 18 ديسمبر 2026 | 25 ديسمبر 2026 |
| الرابع | 25 ديسمبر 2026 | 1 يناير 2027 |
| الخامس | 1 يناير 2027 | 8 يناير 2027 |
| السادس | 8 يناير 2027 | 15 يناير 2027 |
| السابع | 15 يناير 2027 | 22 يناير 2027 |
| الثامن | 22 يناير 2027 | 29 يناير 2027 |
| التاسع | 29 يناير 2027 | 5 فبراير 2027 |
تنبيه: يُفضل مراجعة الموقع الرسمي لوزارة الشباب والرياضة للتأكد من استمرار التسجيل ومواعيد الأفواج وتوافر الأماكن قبل الحجز.
ثانياً: أبرز المزارات السياحية في رحلة الأقصر وأسوان
تضم رحلة قطار الشباب مجموعة من أشهر المزارات السياحية والأثرية في صعيد مصر، حيث تجمع بين الحضارة المصرية القديمة والطبيعة الخلابة لنهر النيل.
1- مزارات مدينة الأقصر
- زيارة معابد البر الشرقي والبر الغربي.
- مشاهدة عرض الصوت والضوء بمعبد الكرنك.
- زيارة معبد دندرة.
- الاستمتاع برحلة إلى جزيرة الموز.
وتُعد الأقصر واحدة من أهم المدن السياحية في العالم، لما تضمه من آثار فرعونية ومقابر ومعابد تاريخية تعكس عظمة الحضارة المصرية القديمة.
2- مزارات مدينة أسوان
- زيارة معبد فيلة.
- مشاهدة السد العالي.
- زيارة متحف النيل ومتحف النوبة.
- الاستمتاع بجمال جزيرة النباتات.
- زيارة القرية النوبية والتعرف على التراث النوبي.
كما تتضمن الرحلة جولات حرة متنوعة ورحلات تبادل بالسيارات بين مدينتي الأقصر وأسوان، وفق البرنامج المقرر لكل فوج.
ثالثاً: خطوات التسجيل والحجز في قطار الشباب
يمكن للراغبين في الاشتراك متابعة إجراءات التسجيل من خلال الموقع الإلكتروني الرسمي لوزارة الشباب والرياضة، واتباع الخطوات التالية:
- الدخول إلى الموقع الإلكتروني الرسمي لوزارة الشباب والرياضة.
- كتابة البيانات المطلوبة بدقة، وتشمل الاسم رباعياً والرقم القومي والمحافظة واختيار الرحلة.
- رفع صورة واضحة من بطاقة الرقم القومي.
- إتمام عملية الدفع والسداد الإلكتروني باستخدام الكروت البنكية.
- أو اختيار الدفع من خلال منافذ فوري، مع الاحتفاظ بكود الدفع والتوجه إلى أحد المنافذ لإتمام السداد.
- الاستعلام لاحقاً باستخدام الرقم القومي لمعرفة رقم العربة والمقعد المخصص بالقطار.
رابعاً: رابط التسجيل والاستعلام
للتعرف على تفاصيل التسجيل والحجز، يُنصح بمتابعة الموقع الرسمي لوزارة الشباب والرياضة، ومراجعة التعليمات الخاصة بكل فوج.
الدخول إلى موقع وزارة الشباب والرياضةويمكن الاطلاع أيضاً على تفاصيل إجراءات السداد من خلال الرابط التالي:
شرح إجراءات السداد الإلكتروني لرحلات قطار الشباب
خامساً: أهم المعلومات عن رحلة قطار الشباب
- الوجهة: الأقصر وأسوان.
- الموسم: 2026-2027.
- عدد الأفواج: 9 أفواج وفق الجدول المعلن في بيانات الرحلة.
- مدة الرحلة: أسبوع لكل فوج.
- الجهة المنظمة: وزارة الشباب والرياضة.
- طريقة التسجيل: إلكترونياً من خلال الموقع الرسمي.
سادساً: كلمات مفتاحية للبحث عن قطار الشباب
قطار الشباب 2026، قطار الشباب 2027، مواعيد قطار الشباب للأقصر وأسوان، حجز قطار الشباب، رحلات وزارة الشباب والرياضة، رحلات الأقصر وأسوان، أسعار قطار الشباب، أفواج قطار الشباب، التسجيل في قطار الشباب.
ملاحظة مهمة للقراء: المعلومات الواردة توضح مواعيد الأفواج والمزارات وخطوات التسجيل وفق البيانات المقدمة. يُرجى التأكد من السعر والشروط والأماكن المتاحة من الجهة المنظمة قبل اتخاذ قرار الحجز.
رحلة ممتعة إلى أرض الحضارة.. الأقصر وأسوان ❤️
0 تعليقات