كتب : محمد فتحى
بـ2500 جنيه.. تفاصيل رحلات الأقصر وأسوان للشباب من الشباب والرياضة2025
رحلات وزارة الشباب والرياضة 2024-2025
بيتم الاعلان عن الفوج على النت فانت تحجز في اللينك وتدفع عن طرق الفيزا اونلاين او فورى.
تكاليف الرحلة 2500
الرحلات تبدا من 22 نوفمبر 2024
وحتى 25 فبراير 2025
لينك الحجز 
-التجمع فى محطة مصر الساعة 3 عصرا.
- السن من 18 الى 45. ولايقبل الاطفال او الاسر.
-القطر بيتحرك من محطه رمسيس الساعه 5 مساءا
بيوصل الاقصر 3:30 فجرا
ويوصل اسوان 7 صباحا
بالنسبة للمجموعة الاولى بنات حتنزل الاقصر الاول
هتتحرك بالباص الفجر من محطة الاقصر وتروح المدينه الشبابيه بالاقصر
الاقامه هناك خمسه في الاوضه وحمام في الاوضه وكويسه
1- اليوم الاول السبت :
هتفطر وبعدين تنام لحد الغدا وبعدين تروح الساعه 6 مساءا لمعبد الكرنك عرض الصوت والضوء ( حلو جدا وياريت بلاش تصور كتير فيديو ممكن تركز وتستمتع وتخلي اى حد من اللى صورو فيديو يبعتهولك والسلام )وبعدين جوله حره في السوق
2- اليوم التاني الاحد:
زيارة البر الغربي ( معبد هابو - معبد حتشبسوت - وادى الملوك)
خليك مع المرشد اسمع الشرح وبعد كدة روح اتصور براحتك
وجوله حره المعابد دي حلوه جدا وممتعه وهتطلع بشويه صور زي الفل
3- تالت يوم الاثنين :
البر الشرقي (معابد الكرنك - معبد الاقصر - جزيره الموز)
جزيره الموز دي بتروح تاكل تلات موزات وتتصور مع شجر الموز
يفضل لبس الكلاسيكى شويه فى الاقصر والوان كافيه وبنى وابيض والحاجات دى بتعمل شغل فى التصوير
الاقصر مرهقه جدا لانها مشي كتير وشمس فحاول تنام كويس
مفيش حاجه مهمه اوي تشتريها من الاقصر غير شويه حاجات اثريه او لبس فرعوني من السوق
وتركب حنطور في الاقصر وتغني الاقصر بلدنا بلد سواح وتصور فيديو لنفسك (هتندم لما ترجع لو معملتش كده والله لان هتلاقى كله رافع ستورى وانت على الله حكايتك )
-----------------------------------------
الشباب بيسكنوا فى المدينة الشبابية فى اسوان
1- اول يوم تفطر وبعدين تنام لحد الغدا وبعدين تروح متحف النوبه (عباره عن متحف فيه مقتنيات عن اهل النوبه متحف جميل يفضل لبس الوان هاديه وساده لانه متحف مش فرح هو )
وبعدين جوله حره براحتك وترجع تتعشي الساعه 10 وبعد العشا انت حر تنام او تخرج
2- تاني يوم مفترض تروح السد العالي وبعدين مبني كده اسمه رمز الصداقه وبعدين معبد فيله (اليوم متعب جدا الحقيقه فحاول توفر جهدك كله لمعبد فيله لانه حلو جدا وامتع مافي اليوم)
ترجع تتغدي وبعدين جوله حره براحتك
3- تالت يوم حتروح تزور جبل ابو الهوا
معلومات بقي عن التلات ايام بتوع اسوان الجوله الحره بتبقي اغلبها في السوق فانت تشترى بهارات وفول سوداني وكركديه وحنه ولبس نوبي لو حابب تذكار من اسوان
والهدايا رخيصه في اسوان بس ياريت تسأل هنا وهنا وتفاصل بلاش تدلق علطول للبياع وياريت تسال عند اكتر من عطار وارخص سعر اشترى
اسوان اللبس المفضل فيها هو اللبس الفواتح الاحمر والازرق والابيض والاصفر الحاجات دي لايقه علي جو النوبه وبتعمل صور حلوه
وتركب حنطور على كورنيش اسوان
---------------------------------------------------
نصايح بقي
توصل المحطه بدرى ساعه علشان لو نسيت حاجه تشتريها يكون معاك لبس شتوى حاجه واحده بس.. ودفايه لان القطر برد باور بانك وكاب او برونيطه لان الشمس صعبه بالنهار تاخد لبس يناسب كل مكان تروحه علشان تطلع بصور حلوه بخصوص الاكل فهو حلو ويكفي ومش هتحتاج تشترى من براالفطار جبنه وفول وبيضه وقطعتين لانشون ونسكافيه
الغدا فراخ ورز وخضار وسلطه و لحمه ومكرونه اوقات
( منوع كده )
العشا يعتبر زي الفطار
-------------
الشروط الأساسية للمشاركة:
الشروط الأساسية للمشاركة في رحلات قطار الشباب لزيارة مدينتي الأقصر وأسوان:
- السن من 18حتى 45 سنة ولا يسمح باصطحاب أطفال نهائياً أو أسر.
- التجمع لرحلة الذهاب بالقطار من محطة مصر بالقاهرة الساعة 3.30 عصراً يوم الجمعة من كل أسبوع.
- تدعم وزارة الشباب والرياضة تكاليف الإقامة والإعاشة والانتقالات ورسوم زيارة الأماكن السياحية المدرجة بالبرنامج.
- الحجز الأولي عن طريق الموقع الإلكتروني للوزارة ولا يعتبر الحجز نهائياً إلا بعد السداد اونلاين
- قيمة الاشتراك العام الماضى (2500) جنيهاً للفرد الواحد تسدد اونلاين بالفيزا او عن طريق فورى.
- الاقامة فى المدينة الشبابية بالاقصر واسوان.
- لا يجوز تبديل المشترك بآخر ولا يتم رد قيمة الاشتراك في حالة التغيب عن الرحلة.
- اللياقة الطبية مسئولية شخصية للمشارك في الرحلة.
- يحق للوزارة إجراء أي تعديل أو تبديل أو حذف بالبرنامج أو أماكن الإقامة أو التوزيع بالقطار (رقم العربة ورقم المقعد) طبقاً للظروف الطارئة وتوجيهات مسئولي هيئة الإشراف بالوزارة.
- أي مخالفة لشروط الاشتراك او تعليمات هئية الاشراف او عدم صحة البيانات تؤدى الى مغادرة المخالف فوراً على نفقته وبمعرفته وعدم استكماله الرحلة وعدم رد قيمة الاشتراك.
- عدم التدخين نهائياً في أماكن الإقامة أو وسائل الانتقال.
- أقر بأنني اطلعت على شروط الاشتراك وأوافق عليها وأن بياناتي المسجلة على الموقع صحيحة وأي مخالفة مني لشروط الاشتراك أو عدم صحة البيانات أو ظهور أعراض مرضية أو مخالفتى لتعليمات هيئة الإشراف يؤدي ذلك إلى مغادرتي الرحلة على نفقتي وبمعرفتي وعدم استكمالي للرحلة وعدم رد قيمة الاشتراك مع احتفاظ الوزارة بحقها في اتخاذ الإجراءات القانونية اللازمة.
- يجب التأكد من صحة البيانات قبل الحفظ، حيث لا يمكن تعديلها بعد ذلك.
يتم الحجز عن طريق الموقع الإلكتروني للوزارة بعد الاطلاع على الشروط والموافقة عليها والتوقيع على الإقرار، ولا يعتبر الحجز نهائيًا إلا بعد السداد اونلاين
من خلال الرابط الإلكتروني من هنا
يتم تنفيذ البرنامج بأسوان بالأوتوبيسات فى الأقصر و أسوان .
- لا يجوز تبديل المشترك بآخر نهائيًا، ولا يتم رد قيمة الاشتراك في حالة التغيب عن الرحلة.
- التجمع لرحلة الذهاب بالقطار من محطة مصر بالقاهرة، اعتبارًا من الساعة 3.30 عصر يوم الجمعة والتحرك للعودة مساء يوم الخميس التالي.
- تدعم وزارة الشباب والرياضة تكاليف الإقامة والإعاشة والانتقالات.
- يتم تنفيذ المزارات السياحية والأثرية المدرجة بالبرنامج السياحي، بكل من الأقصر وأسوان بالتعاون مع وزارة السياحة والآثار المصرية.
- يحق للوزارة إجراء أي تعديل أو تبديل أو حذف بالبرنامج أو أماكن الإقامة، طبقًا للظروف الطارئة وتوجيهات مسئولي هيئة الإشراف بالوزارة.
- يحق لهيئة الإشراف بالقطار إجراء أي تعديل أو تبديل بالأماكن المخصصة لأي من المشاركين بالقطار «رقم العربة ورقم المقعد» أو أماكن الإقامة أو البرنامج، طبقًا للظروف الطارئة ومتطلبات التنفيذ.
- يجب التأكد من صحة البيانات قبل الحفظ، حيث لا يمكن تعديلها بعد ذلك.
البرنامج السياحي لقطار الشباب
الأقصر: «معابد البر الشرقي - جزيرة الموز - معابد البر الغربي – الصوت والضوء بالكرنك – جولة حرة بالمدينة».
أسوان: «السد العالي - متحف النيل - معبد فيلة - جزيرة النباتات - متحف النوبة – القرية النوبية- جولة حرة بالمدينة».
للتواصل معنا على جروب الفيسبوك من هنا
إرسال تعليق