تقليل الاغتراب والتحويل بين الكليات
مقال مهم جدا عن تقليل الاغتراب
والتحويل من كلية لاخرى بعد نتيجة تنسيق المرحلة
الثانية 2023
👇👇👇
تقليل الأغتراب هيفتح بعد نهايــــة المرحله التانية💐
هيفتح للمرحلة الأولى والتانيــــة مع بعض بس فى شويــــة قواعد لازم تعرفهم قبل ماتدخل على الموقع
- بالنسبة للناس اللى مش محتاجه تقليل الأغتراب تابعوا صفحات الكليات بتاعتكم هينزل عليها مواعيد التقديم
نيجى بقى للناس اللى هتقدم على تقليل الأغتراب
- مبدئيا كدا انت قدامك حاجة واحده أما تعمل تقليل اغتراب او تحويل لو أنت فى دماغك الأتنين لازم تقرر الأول لانك مش هتعرف تعمل الاتنين
مافيش كلام تانى فى النقطه دى
- تقليل الاغتراب فرصتك فى القبول كبيره كل ماتكون قريب للكليه اللى بتعمل له تقليل الاغتراب
-لازم عمليه تقليل اغتراب تكون لكلية من نطاق ( أ ) يعنى لو جيت تعمل تقليل اغتراب من مكان بعيد لكلية خارج نطاق (أ ) هيقولك خطأ فى التوزيع الجغرافى زى الرغبات بالظبط
مثلا لو حضرتك جالك هندسه أسيوط وأنت من القاهره لازم لما تيجى تعمل تقليل اغتراب يبقى للجامعات التالية ( عين شمس - حلوان - القاهره )
ومش هتختار اى واحده فيهم وخلاص لا تختار الأقرب لمجموعك
- نيجى للناس اللى عايزه تحول من كلية لكلية تانيه لازم برضوا تبقى داخل التوزيع الجغرافى بمعنى لو حضرتك اداب القاهره وعايز تحول تجارة
يبقى لازم تحول لتجارة القاهره أو عين شمس أو حلوان شرط تكون جايب مجموع تجاره فى الجامعة اللى عايز تحول له
مينفعش تحول من اداب القاهره لاداب المنصوره ❌كدا هيقولك خطا فى التوزيع الجغرافى ( لازم التحويل دا النطاق بتاعك )
- نفترض ان تقليل الأغتراب اترفص مش هيبقى قدامك غير حل واحد فقط هو انك هتفضل فى الجامعة بتاعتك دى سنه وبعدين هتقدم طلب تحويل ورقى بيبقى بين الجامعات وبعضها مالوش علاقه بالتنسيق
- نيجى بقى لموضوع الانتساب والانتظام فى تقليل الاغتراب
حضرتك جالك كلية اداب أسيوط ( انتظام ) وأنت من المنصورة وعايز تعمل تقليل اغتراب بس متعرفش هتروح على المنصوره على انتظام ولا انتساب
هيبقى قدامك طريقين
الاول
- لو مجموعك اعلى من انتساب المنصورة يتم تحويلك على الانتظام
- لو مجموعك أقل من او يساوى انتساب المنصورة يتم تحويلك على نظام الانتساب
يعنى انت هتقيس نفسك على الانتساب اقل او تساوى يبقى هتروح انتساب حتى لو كنت قابل هناك انتظام لو أعلى من الانتساب يبقى هتحول على انتظام زى مانت
تقليل الاغتراب بينقسم الي نوعين🤲
1️⃣ تحويل مناظر
وده بتحول من كليه في محافظة بعيده عنك إلي نفس الكليه في محافظة أقرب وليس العكس وليس شرطاً انك تكون جايب مجموع الكليه في محافظتك يعني لو أنت من سوهاج وجالك أداب أسوان تقدر تحول لأداب سوهاج حتي لو مش جايب مجموعها. بس مينفعش تحول من كليه في محافظتك الي محافظة أخري
2️⃣ تحويل غير مناظر
وده بتحول من كليه لكليه تاني خالص يعني من أداب لتربيه مثلا وعشان تحول لازم -تكون جايب مجموع الكليه إلي عايز تحول ليها ولازم -تكون في محافظتك يعني لو من سوهاج وجالك كليه أداب سوهاج وعايز تحول لكليه تربيه لازم تكون جايب مجموع كليه التربيه في سوهاج يعني لو مش جايب مجموع تربيه سوهاج وجايب مجموع تربيه القاهره مينفعش تحول ليها
لازم لازم تكون جايب مجموع الكليه في محافظتك لو جايب مجموعها في أي محافظة تاني غير محافظتك مينفعش تحول ليها.
وعادي تحول لكليه أنت مش كنت كاتبها في الرغبات طالما جايب مجموعها في محافظتك.
بس خلي بالك ⬇️
مينفعش تحول ما بين الجامعات دي القاهره وحلوان وعين شمس . يعني لو جاتلك كليه في حلوان مينفعش تحول القاهره او عين شمس والعكس .
.......
التحويل متاح ليك مكان واحد فقط تحول ليه يعني مش متاح ليك كذا رغبه زي التنسيق لا هي حاجه واحده فقط .
......
لو هتحول من كليه في مكان ابعد إلي مكان أقرب بنسبه 90% التحويل بتاعك بيتقبل لو فرق الدرجات بين الكليتين قليل
.......
باب التحويلات بيفتح مرتين مره بعد نتيجة المرحلة الثانية ومره بعد نتيجة المرحلة التالته
يعني لو التحويل بتاعك متقبلش هيكون متاح ليك التحويل بعد نتيجة المرحلة التالته بس تخلي بالك لو تحويلك متقبلش ولما تيجي تحول بعد نتيجة المرحلة التالته مينفعش تحول لنفس المكان الي حولت ليه في المره الأولي لأنه هيترفض برضوا هيكون متاح ليك التحويل بس لمكان غير الي حولت ليه في المره الأولي
......
مينفعش نهائياً التحويل لكليه خارج محافظتك حتي لو جايب مجموعها
إرسال تعليق